ფინანსთა სამინისტრო ბიუჯეტის გადაჭარებებით შესრულებას ვარაუდობს
ფინანსთა სამინისტრო ბიუჯეტის გადაჭარბებით შესრულებას პროგნოზირებს.
ფინანსთა მინისტრის მოადგილის ვარაუდით, ეკონომიკური პარამეტრების გათვალისწინებით, რომელიც ზრდის ტენდენციებს აჩვენებს ბიუჯეტის გადაჭარბებით შესრულება რეალისტური პროგნოზია.
“ეკონომიკური პარამეტრები რაც ბოლო თვეებში გვაქვს დადებით ტენდენციას აჩვენებს, რაც იმის თქმის შესაძლებლობას გვაძლევს, რომ ბიუჯეტის შესრულებას პრობლემა არ შეექმნება. მოსალოდნელია პოზიტიური მიმართულებითაც წავიდეთ და როგორც ეკონომიკური ზრდა ასევე საბიუჯეტო შემოსავლები გადაჭარბებით შესრულდება,“ - აცხადებს გიორგი კაკაურიძე.
რაც შეეხება კორექტირების ნაწილს, უწყებაში ფიქრობენ, რომ რაიმე კონკრეტული გადაწყვეტილების მისაღებად ჯერ კიდევ დროა საჭირო.
„რაც შეეხება კორექტირების ნაწილს, იქნება თუ არა ამის საჭიროება უნდა გავაანალიზოთ, მინიმუმ 5 თვის გასვლის შემდეგ. ცალსახად შეგვიძლია ვთქვათ, რომ მინუსისკენ არ გადაიხედება თუ ბიუჯეტის გადაიხედება ეკონომიკური ზრდის მიმართულებით. გარკვეული საჭიროებები ჩანს, თუმცა ეპიდვითარებიდან გამომდინარე, შესაძლოა, ეს საჭიროებები ყოვეთვიურად შეიცვალოს. დავაკვირდებით მინიმუმ 5 თვის მონაცემებს და მხოლოდ შემდეგ მივიღებთ გადაწყვეტილებას. შესაძლოა ჯანდაცვის სფეროში იყოს რაიმე დამატებითი საჭიროება თუმცა ვნახოთ...“ - განაცხადა გიორგი კაკაურიძემ.
