"ძლიერი ლარი კვლავ მონეტარული პოლიტიკის შერბილების არგუმენტია"

"აღსანიშნავია, რომ გასულ კვირას, ბანკის მოლოდინების შესაბამისად, ლარი გამყარების მიმართულებისკენ შებრუნდა. ძლიერი ლარი, სასაქონლო ფასების კლებასა და წლის დასაწყისთან შედარებით ეკონომიკური ზრდის ნორმალიზებასთან ერთად, კვლავ მონეტარული პოლიტიკის შერბილების არგუმენტია, თუმცა, როგორც ჩანს, მხოლოდ წლის ბოლოსათვის."– ნათქვამია TBC Capital-ის მთვარი ეკონომისტის განახლებულ ანგარიშში.

ოთხშაბათს, მონეტარული პოლიტიკის განაკვეთის ზრდის გამორიცხვის ფონზე, მიუხედავად იმისა, რომ შემცირების წინაპირობები წონადია, TBC Capital–ის საბაზო სცენარი განაკვეთის უცვლელად დატოვებაა.

დღეს ეროვნული ბანკი ლარის განახლებულ კურსს გამოაცხადებს დოლართან, ევროსთან და სხვა ვალუტებთან მიმართებაში, თუმცა, ბოლო მონაცემებით, 08 სექტემბრის ვაჭრობის შედეგად აშშ დოლარი გაუფასურდა და 2.8543 ლარი შეადგინა.

გამყარდა ევრო, რომლის კურსი 2.8572 ლარია. ევროს ცვლილებამ 1.96 თეთრი შეადგინა.
გაუფასურდა თურქული ლირა, რომელიც 0.1565 ლარს შეადგენს, ხოლო გამყარდა ფუნტი და 3.2882 ლარი ეღირება.