"COVID-დადებითობის მაჩვენებელი 4%-ს მიუახლოვდა, რაც ეკონომიკის გახსნის საფუძველს იძლევა"

პრემიერ-მინისტრის გიორგი გახარიას განცხადებით, კორონავირუსის დადებითობის მაჩვენებელი 4%-ს მიუახლოვდა, რაც ეკონომიკის გახსნის საფუძველს იძლევა.

„დეკემბრის ბოლოს, როდესაც მიზნობრივი შეზღუდვები დავაწესეთ, ამას ჰქონდა კონკრეტული მიზანი, სამწუხაროდ მაშინ ვირუსის გავრცელების დადებითობის მაჩვენებელი ქვეყანაში უაღრესად მაღალი იყო, ზოგ ქალაქებში 30%-ს გადააჭარბა. დღეის მონაცემებით შემიძლია გითხრათ, რომ გამოვლენილი ახალი შემთხვევა ჩვენთვის მაინც მაღალი ციფრია, თუმცა მიუახლოვდა 4%-ს.

როდესაც დადებითობის მაჩვენებელი გვექნება 4% ჩვენ უფრო თამამად, ფრთხილად, მაგრამ უფრო გონივრულად შეგვეძლება ეკონომიკის გახსნა 7 დღის განმავლობაში.

როგორც ჩანს, დღევანდელი ტენდენციები გვაძლევს ფრთხილი ოპტიმიზმის საშუალებას.

თუ მსგავსი ტენდენცია შევინარჩნეთ უახლოესი 1 კვირის განმავლობაში, დღეს უნდა დავიწყოთ მსჯელობა, ისე როგორც გავაკეთეთ ზაფხულში, ეტაპობრივი გახსნა ცოტა უფრო ადრე დავიწყოთ. ეს ეხება პირველ რიგში თბილისს, ქუთაისს, და რუსთავს“,- განაცხადა გიორგი გახარიამ მთავრობის სხდომაზე.