ბიუჯეტის პროექტით, ბიზნესი საგადასახადო შეღავათებს ვეღარ მიიღებს
2021 წლის ბიუჯეტის პროექტით, ბიზნესს პანდემიის დროს დაწესებული საგადასახადო შეღავათები აღარ გაუგრძელდება.
ფინანსთა მინისტრის ლაშა ხუციშვილის განცხადებით, ეკონომიკის სტიმულირება კონკრეტული პროექტებით უნდა მოხდეს.
“საგადასახადო მიმართულებით, დამატებითი შეღავათების დაწესება კანონპროექტში მოცემული არ არის. აღდგენის პროცესში წარმოდგენილია კონკრეტული პროგრამები, პროექტები, რომელმაც ხელი უნდა შეუწყოს ეკონომიკის აღდგენის პროცესს.
ამ ეტაპზე გადაწყვეტილება მიღებულია, რომ ეკონომიკის სტიმულირება განხორციელდეს კონკრეტული პროექტებიდან გამომდინარე, ეს იქნება ინფრასტრუქტურული პროექტები, სოფლის მეურნეობის პროექტები, თუ ეს იქნება ეკონომიკის მწარმოებლურ სექტორში დამატებითი პროექტების განხორციელება, დამატებითი დაფინანსების გამოყოფა, რაც ბუნებრივია ხელს შეუწყობს ფინანსურ ნაკადებზე წვდომას, ეს კი ბუნებრივია ხელს შეუწყობს ქვეყანაში ეკონომიკის აღდგენის პროცესს“, - განაცხადა ფინანსთა მინისტრმა.
