ბეჟან წაქაძე მთავრობას: ეკონომიკის შეზღუდვაზე არც იფიქროთ
“ქართული ოცნების“ დეპუტატი ბეჟან წაქაძე მიიჩნევს, რომ მძიმე ეპიდემიურ ვითარებაში მნიშვნელოვანია ვაქცინაციის პროცესის დაჩქარება და არა ეკონომიკის გაჩერება.
მისი თქმით, ქვეყანაში შეზღუდვების დაწესება გაცილებით მძიმე შედეგებს გამოიწვევს.
“ალტერნატივა იმას, რომ არ უნდა გაჩერდეს ეკონომიკა, არ აქვს. ჩვენ არ უნდა შევზღუდოთ ეკონომიკა. ეკონომიკის გაჩერებით, ვერც იმას ვუშველით, რომ ადამიანები გადავარჩინოთ და კიდევ უფრო მეტი ადამიანი დაგვეღუპება. სწორად მიმაჩნია, ვაქცინაციის სწრაფი ტემპი. ამასთან, თითოეული ადამიანის მოქალაქეობრივი ვალია, ვიაროთ პირბადით. არავითარ შემთხვევაში არ იფიქროთ შეზღუდვებზე. გარკვეული მიმართულებით შეიძლება, მაგრამ ძირითადი ეკონომიკის შეზღუდვებზე არ ვიფიქროთ“, - მიმართა დეპუტატმა კომიტეტის სხდომაზე ფინანსთა მინისტრის მოადგილეს გიორგი კაკაურიძეს.
ინფორმაციისთვის, დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა, რომ ქვეყანაში მძიმე ეპიდემიური ვითარებაა.
