"ჟუჟუნა": ადგილობრივ ბაზარზე მოთხოვნა მკვეთრად გაზრდილია
ადგილობრივ ბაზარზე "ჟუჟუნა" უფრო მოთხოვნადი ხდება.
როგორც კომპანიის თანადამფუძნებელი მათე აბესაძე "ბიზნესპარტნიორთან" აცხადებს, 2021 წელთან შედარებით, გაყიდვები 10-ჯერ გაიზარდა.
"წლის დასაწყისთან შედარებით, ადგილობრივ ბაზარზე მოთხოვნა საკმაოდ გაზრდილია. რეალურად, ქსელის გაფართოებაზე მეტად ვფიქრობთ, როგორ დავაკმაყოფილოთ ეს მოთხოვნა იმ არსებულ ქსელში, რომელშიც ვართ. თუმცა, დღემდე ჩვენი ძირითადი ამოცანაა, ჩვენს მოხმარებელს ყველაზე ახლო წერტილებში შევხვდეთ, სადაც ის "ჟუჟნას" ინატრებს", - აღნიშნა მათე აბესაძემ.
მისი თქმით, ადგილობრივ ბაზარზე ზრდის ტენდენცია შეინიშნება, რასაც წარმოების გაფართოება სჭირდება.
"ჩვენი წარმოების გაფართოებიდან გამომდინარე, გავზრდით ასევე ქსელსაც", - აღნიშნა მათე აბესაძემ.
რაც შეეხება ექსპორტს, ჩინეთში ჟუჟუნას 14 000 ბოთლია გასული. მათე აბესაძეს თქმით, ჩინეთის ბაზარი იმდენად დიდია, რომ ეს რაოდენობა სატესტოა, თუმცა ქვეყნიდან ძირითად შეკვეთასაც ელოდებიან.
"ჩინეთის ბაზარზე სატესტო რაოდენობიდან გამომდინარე "ჟუჟნამ" გაამართლა, ველოდებით ძირითად შეკვეთას. ჯერჯერობით არ ვიცით რამდენი ბოთლი იქნება, თუმცა ველოდებით საგრძნობ რაოდენობას", - აღნიშნა კომპანიის თანადამფუძნებელმა.
"ჟუჟუნა" ფეხს იკიდებს იაპონიის ბაზარზეც.
"იაპონიის ბაზარი უფრონელია გაზრდის მხრივ, თუმცა ლოიალური მომხმარებლების კუთხით. იაპონიის ბაზარი უფრო მეტად სტაბილურია, სადაც "ჟუჟუნა" ფეხს იკიდებს, იქ გარკვეულ ქსელებშია წარმოდგენილი. იაპონიიდანაც ველოდებით საკმაოდ კარგ გამოხმაურებებს. დეკემბრის ბოლოს იაპონიისა და ჩინეთის ბაზარზე გარკვეულ რაოდენობას გავიტანთ", - აცხადებს მათე აბესაძე.
