ბიზნესი
16/07/2020
ვანში ღვინის ქარხანა "არგონავტები“ 2021 წელს გაიხსნება
ბიზნესმენი, GDG ჯგუფის დამფუძნებელი ბეჟან წაქაძე ვანში, ღვინის ქარხანას „არგონავტები“ 2021 წელს გახსნის. მისი ინფორმაციით, ამ დროისთვის მიმდინარეობს სამშენებლო-სარეაბილიტაციო სამუშაობი, სრულად გამოიცვლება მანქანა-დანადგარებიც.
წაქაძის განცხადებით, ქარხანა დაახლოებით 6 ჰექტარ ტერიტორიას მოიცავს. პროექტში საწყის ეტაპზე 5 მლნ დოლარის ინვესტიციის განხორციელდება. სამომავლოდ, ამავე ტერიტორიაზე დაგეგმილია შატოს მოწყობა, რაც ვანის ტურისტულ მიმზიდველობას კიდევ უფრო გაზრდის.
„ვაშენებ ყველაფერს იმას, რაც ტურისტებს მოიზიდავს. ამ ტერიტორიაზე პირველი თამადა იქნა აღმოჩენილი. მინდა ქარხნის საკუთრებაში არსებულ ტერიტორიაზე ოჯახური მეურნეობა გავაკეთო, მქონდეს ქვევრში მოყვანილი ღვინო. მინდა ტურისტების დასახვედრად ყველა პირობა შევქმნა,“ - აცხადებს ბეჟან წაქაძე.
