"უსული" რაჭაში ესთეტიკურ სივრცეს გახსნის
ნატურალური კოსმეტიკის მწარმოებელი კომპანია „უსული“ რაჭაში ესთეტიკური სივრცის გახსნას 2024 წლის გაზაფხულზე გეგმავს. ამის შესახებ “ბიზნესპარტნიორთან“ კომპანიის თანადამფუძნებელმა, ხატია ლობჯანიძემ განაცხადა.
მისი ინფორმაციით, ადგილი, სადაც კომპანია“ უსულის“ ესთეტიკური სივრცე განთავსდება უკვე მოძებულია. ის რაჭაში, ტურისტულ ზონაში მდებარე მრავალსაუკუნოვანის სახლი იქნება, რომლის მეორე სართული კომპანიას სრულად დაეთმობა.
„ვარემონტებთ სივრცეს, სადაც ჩვენს პროდუქციას დავამზადებთ. გვექნება მასტერკლასებიც. დაინტერესბეულ პირებს შეეძლებათ საკუთარი ხელით შქმნან სურნელოვანი საპნები, სათლები. ისინი ადგილზე მიიღებენ ჩვენს მომსახურებას, დალევენ ჩაის, გაიკეთებენ სახის მასაჟს და ა.შ,“ -განმარტავს ლობჯანიძე.
პროექტის საინვესტიციო ღირებულება ამ ეტაპზე უცნობია.
შეგახსენებთ, კომპანია „უსული“ დღისა და ღამის დამატენიანებელ საცხს, თვალის საცხს, ტუჩის ბალმს, მალამოს პრობლემური კანისათვის, რუჟის მისაღებ საცხს, შიმერს, სახის ნიღბებსა და კოსმეტიკურ საპონს, მიცერალურ წყალს, სახისა და თმის სერუმს, ტანის დასაბან გელს, ჰერპესის, დამწვრობის და ნაწოლების სამკურნალო მალამოებს, ფიჭვისა და ნაძვის ფისაზე დამზადებულ თმის ასაცლელ ცვილს აწარმოებს.
