"უპირატესობას ₾200-დან ზემოთ ღირებულების პროდუქციას ანიჭებენ“ - რას ყიდულობენ 8 მარტისთვის

„გაყიდვების კუთხით, ფაქტობრივად, საახალწლო პერიოდის ბოლო დღეებს ვიმეორებთ. როგორც წესი, 3-დან 8 მარტამდე პერიოდი პროდუქციის გაყიდვების მაჩვენებელზე დადებითად აისახება, - ამის შესახებ „ბიზნესპარტნიორს“ „ისი-პარის“ კონტენტის მენეჯერმა ლინა ქალდანმა განუცხადა. მისი თქმით, გაყიდვების კუთხით გამოირჩეოდა მიმდინარე წელიც.

„ამ პერიოდში, ჩვენს მყიდველებში, ძირითადად, მამაკაცები სჭარბობენ, თუმცა, არიან ქალბტონებიც. რაც შეეხება ყველაზე მოთხოვნად პროდუქციას - სადღესასწაულო დღეებში, გაყიდვებში დიდ წილს იკავებს: სუნამოები და სუნამოების სასაჩუქრე ნაკრებები, რომლებსაც თავისივე ტანის ლოსიონი და სხვა პროდუქცია მოჰყვება. გაყიდვების მაღალი მაჩვენებელი გვაქვს თავის მოვლის საშუალებებსა დ კოსმეტიკურ ნაკრებებზეც“, - აღნიშნა  „ისი-პარის“ კონტენტის მენეჯერმა.

მისივე თქმით, საშუალო საფასო კატეგორია კი, რომელსაც მომხმარებელი უპირატესობას ანიჭებს, 200 ლარიდან ზემოთ ღირებულების პროდუქცია უფროა, ვიდრე დაბალი საფასო კატეგორია.

ცნობისთვის, შპს „პრესტიჟი“ ბაზარზე „ისი-პარის“ სავაჭრო ნიშნით საქმიანობს. კომპანიის  ძირითად მიმართულებას წარმოადგენს კოსმეტიკური და პარფიუმერული პროდუქტით საცალო და საბითუმო ვაჭრობა. დღეს, საქართველოს პარფიუმერიულ ბაზარზე „ისი პარი“ 20 მაღაზიითაა წარმოდგენილი.

“ისი-პარის“ მაღაზიებში 90-მდე  პარფიუმერული სახელია წარმოდგენილი: Chanel , Hermes, Sisley, Shiseido, YSL, Lancome, Narciso Rodriguez, Dolce & Gabbana, Gucci, Chloe, Burberry, Bvlgari, Versace, J.P. Gaultier, I. Miyake, C. Klein, C. Herrera, Marc Jacobs, Cartier  და სხვა.