წყალტუბოში მინი-ქალაქის მშენებლობა 2021 წლის ივლისში დასრულდება
წყალტუბოში მინი-ქალაქის მშენებლობლობა 2021 წლის ივლისში დასრულდება.
როგორც „ბიზნესპარტნიორთან“ წყალტუბოს მუნიციპალიტეტის სივრცითი მოწყობისა და არქიტეტურის განყოფილების უფროსმა ლევან ჩაკვეტაძემ განაცხადა, პროექტის ინვესტორ კომპანიას „ასალ ინშაათი“ მშენებლობა 2020 წლის ივნისში უნდა დაესრულებინა, თუმცა, ინვესტორებმა წყალტუბოს მერიას ვადის გადაწევის მოთხოვნით მიმართეს. შედეგად, მუნიციპალიტეტის თანხმობით კომპანიას მშენებლობის დასრულების ვადა 1 წლით გაუხანგრძლივდა.
ჩაკვეტაძე აცხადებს, რომ ინვესტორებმა ვადის გაწევა გარკვეული ფინანსური პრობლემების გამო ითხოვეს. წყალტუბოს მინიციპალიტეტში აცხადებენ, ინვესტორებს ხელი COVID-19-მაც შეუშალა.
როგორც ცნობილია, პროექტის განმახორციელებელ თურქულ კომპანია „ასალ ინშაათს“ ფინანსური პრობლემები ჰქონდა. კომპანიის წარმომადგენელი კახა ბაბუნაშვილი განმარტავს, რომ უახლოეს პერიოდში ინვესტორები საქართველოში ჩამოსვლას აპირებენ, რომლის შემდეგაც სამუშოები განახლდება.
ზედა მესხეთის ტერიტორიაზე, პროექტის მიხედვით, ყველა საჭირო ინფრასტრუქტურით მინი ქალაქის მოწყობა იგეგმება.
პროექტის საინვესტიციო ღირებულება 4 მილიონი დოლარია. ამ დროისთვის ადგილზე 10 საცხოვრებელი კორპუსიდან მხოლოდ 2-ია ექსპლუატაციაში შესული.
