წერტი: კარგი შედეგები გვაქვს, მომხმარებელს ჩვენი პროდუქცია მოსწონს
"წერტის" დამფუძნებელი ბექა გონაშვილი მაღაზიის მუშაობით და წარმოების შედეგებით კმაყოფილია.
როგორც ბექა გონაშვილი "ბიზნესპარტნიორთან" აცხადებს, "წერტი" დღეში დაახლოებით 1.5 ტონა რძეს ამუშავებს და რეალიზებას ახდენს.
"შედეგები ძალიან კარგი გვაქვს. მომხმარებელს ჩვენი პროდუქცია ძალიან მოსწონს", - აღნიშნა ბექა გონაშვილმა.
მისი თქმით, მაღაზია ონლაინ სერვისითაც სარგებლობს. მომხმარებელს პროდუქციის მიღება შეუძლია, როგორც "გლოვოს" საშუალებით, ისე მაღაზიის სადისტრიბუციო მომსახურებითაც.
ბექა გონაშვილის თქმით, კომპანიაში, ფერმერების ჩათვლით, დაახლოებით 130 ადამიანია დასაქმებული.
სამომავლოდ მაღაზია "წერტის" გაფართოებაც იგეგმება.
"ფერმერების მიმართულებით, ვგეგმავთ, როგორც საკუთარი ფერმის გაფართოებას, ისე პარტნიორ ფერმერებთან თანამშრომლობა უფრო მაღალ დონეზე გვექნება, სადაც მოხდება საქონლის გაზრდა და შემდეგ "წერტის" მომარაგება", - აცხადებს ბექა გონაშვილი.
ხორცპროდუქტების, რძისა და რძის ნაწარმის, ასევე სოფლის პროდუქტების პირველი მაღაზია "წერტი" კომპანია "აგროქიზიყმა" 2019 წლის ზაფხულში გახსნა. მოგვიანებით წერტიმ მეორე მაღაზია გახსნა, სადაც რძის პროდუქტების წარმოებაც დაიწყო. "წერტში" მზადდება სულგუნი, იმერული ყველი, კარაქი და ა.შ.
