"ტკბილი ქვეყანა" წელს €400 000-ის ოდენობის ინვესტიციის განხორციელებას გეგმავს
საკონდიტრო პროდუქციის მწარმოებელი კომპანია „ტკბილი ქვეყანა“ წელს ასორტიმენტის გაფართოების კუთხით 400 000 ევროს ოდენობის ინვესტიციის განხორციელებას გეგმავს.
როგორც კომპანიის ფინანსური დირექტორი კახა ყრუაშვილი „ბიზნესპარტნიორთან“ აცხადებს, პროცესი გაზაფხულიდან დაიწყება. დაგეგმილია ახალი ხაზების შეძენა, შედეგად,არსებული ტექნოლოგიები ბევრად უფრო ავტომატიზირებული და თანამედროვე იქნება.
ყრუაშვილი 2022 წლის გაყიდვებზეც საუბრობს და აღნიშნავს, რომ კომპანიისთვის გასული წელი რთული იყო, რომელიც არსებული გარემოებებიდან გამომდინარეობდა, მათ შორის იყო ინფლაცია, კომუნალურებზე ფასის ზრდა, ნედლეულის გაძვირება, თუმცა,“ტკბილმა ქვეყანამ“ 2022 წელი 2021 წელთან შედარებით რეალიზაციის მაჩვენებლის 25%-იანი ზრდით დაასრულა.
შეგახსენებთ, საკონდიტრო კომპანია "ტკბილი ქვეყანა" 100-ზე მეტ სხვადასხვა სახეობის პროდუქციას აწარმოებს.
