"ტექინსპექტირების ცენტრები ფინანსური პრობლემების წინაშე დგანან"

ავტომობილების ტექნიკური ინსპექტირების ცენტრები იმ ზარალზე საუბრობენ, რაც მიმართვიანობის დაბალმა მაჩვენებელმა მიაყენათ. 1.6 მილიონი რეგისტრირებული ავტომობილიდან, გასულ წელს ტექინსპექტირება მხოლოდ ნახევარმა გაიარა. შესაბამისად, ინსპექტირების ცენტრებში აცხადებენ, რომ ის ბიზნეს გათვლები, რაც თავიდან ჰქოდათ, რეალობისგან აცდენილი აღმოჩნდა.

როგორც „ბიზნესპარტნიორს“ „ტექინსპექტირების ცენტრების კავშირის“ აღმასრულებელმა დირექტორმა გიორგი შიოლაშვილმა განუცხადა, დღეის მდგომარეობით, საქართველოს ტექინსპექტირების ბაზარზე 42 კომპანია ოპერირებს, რომლებიც რეფორმის დასაწყისში შემოვიდნენ ამ ბაზარზე, გახსნეს ინპექტირების ცენტრები და შექმნეს ქსელები.

„ცენტრებმა ივესტიციები განახორციელეს იმ გათვლებით და იმ სტატისტიკაზე დაყრდნობით, რომელიც წარმოდგენილი იყო. თუმცა, მიმართვიანობა ბევრად დაბალია, ვიდრე უნდა იყოს. აქედან გამომდინარე, ის ბიზნეს გათვლები არ შეესაბამებოდა იმ რეალობას და მოცემულობას, რაც ინსპექტირების ცენტრებს დაუდგათ. ამიტომ, გარკვეული ფინანსური პრობლემების წინაშე დადგნენ. პრობლემას წარმოადგენს კვალიფიციური პერსონალის შენარჩუნება“ - აცხადებს „ბიზნესპარტნიორთან“ გიორგი შიოლაშვილმა