თბილისი WinExpo Georgia-ს მასპინძლობს
თბილისი ღვინისა და ალკოჰოლური სასმელების 15-ე საერთაშორისო გამოფენას WinExpo Georgia-ს მასპინძლობს.
ღონისძიებაზე 200 მდე ღვინის მწარმოებელი კომპანიაა წარმოდგენილი, მათ შორის არიან როგორც ოჯახური მარნები ისე საშუალო და მსხვილი საწარმოები.
გამოფენაზე წარმოდგენილ 250-მდე ღვინოს 5 ქვეყნიდან 11 ცნობილი ღვინის მაგისტრი და სომელიე შეაფასებს ,გამარჯვებულები 8 კატეგორიაში გამოვლინდებიან , გაიცემა ოქროს, ვერცხლის და ბრინჯაოს მედლები. პარალელურად ჩატარდება ღვინის ექსპორტის ფორუმი Winexpo Forum რომლის ფარგლებშიც გაიმართება შეხვედრები ღვინის იმპორტიორებთან.
დაგეგმილია სხვადასხვა ქვეყნის ბაზრის განხილვა და ქართველი მწარმოებლები მიიღებენ პრაქტიკულ რჩევებს სხვა ქვეყნის მეღვინეებისგან.
ღვინისა და ალკოჰოლური სასმელების გარდა, გამოფენაზე წარმოდგენილია შესაფუთი მასალები, აქსესუარები, მევენახეობა-მეღვინეობის მანქანა-დანადგარები და სერვისები.
თბილისში ღვინისა და ალკოჰოლური სასმელების მე-15 საერთაშორისო გამოფენა დღეს გაიხსნა და 4 ივნისს დასრულდება.
