თამაზ დაუშვილი: ძალიან ბევრ სამშენებლო კომპანიას გაყიდვები უჭირს

კომპანია „დიოს“ მმართველი პარტნიორი თამაზ დაუშვილი გადაცემა „ბიზნესპარტნიორის ოთხეულთან“ აცხადებს, რომ კორონავირუსის პანდემიის ფონზე ქვეყანაში მოთხოვნა საკმაოდ შემცირებულია. მაგალითისთვის ბიზნესმენს სამშენებლო სექტორი მოჰყავს.

„ძალიან ბევრ სამშენებლო კომპანიას უჭირს გაყიდვები. გასულ წელს ეს იყო ინერცია, ძალიან კარგად იმუშავა სუბსიდირების  პროგრამამ, მაგრამ ეს იყო გარკვეულ პერიოდზე გათვლილი. წელს ერთობლივი მოთხოვნა შემცირებულია.

აქედან გამომდინარე, აქტიურად იგრძნობა ჩვენს სფეროში, რომ აღდგენა შეფერხდა. შესაბამისად, მთავარი ამოცანა არის ის, რომ ეკონომიკა გაიხსნას რაც შეიძლება სწრაფად. აქ არსებობს სხვა საფრთხეები, მათ შორის ის, ეკონომიკის სწრაფად გახსნას მოჰყვება თუ არა მესამედ დაკეტვა. ეს საერთოდ კატასტროფა იქნება,“ - აცხადებს დაუშვილი.