თამაშობანა: მცირე ბიზნესზე მორგებული საგადასახადო სისტემა, კომპანიებს განვითარებაში დაეხმარება
„როგორც ყველა მცირე კომპანია, ვისურვებდით, რომ უფრო ნაკლები გადასახადი გვქონდეს, ეს არის ყველა მცირე კომპანიის ოცნება“, - ამის შესახებ „ბიზნესპარტნიორს“ ქართული სამაგიდო თამაშებისა და სათამაშოების მწარმოებელი კომპანია „თამაშობანას“ თანადამფუძნებელმა ნაუ სონღულაშვილმა განუცხადა.
მისი თქმით, მცირე ბიზნესზე მორგებული საგადასახადო სისტემა, კომპანიებს ხელს შეუწყობს დროულ ზრდაში.
„ამ მიმართულებით რაღაც პატარა ნაბიჯები უკვე გადაიდგა, თუნდაც დღგ-ს უკან დაბრუნება, მაგრამ, ვისურვებდი რომ ამ კუთხით, კიდევ უფრო მეტი რამ გაკეთდეს.
რაც უფრო ლიბერალური და მცირე ბიზნესებზე მორგებული იქნება საგადასახადო სისტემა, ბევრად უფრო გაგვიმარტივდება ზრდის პროცესი და ადრე გადასვლა სტარტაპიდან ზრდასრულ კომპანიაში, შევძლებთ, რომ ეს გარდამავალი ეტაპი უფრო მალე გავიაროთ“, - აღნიშნა ნაუ სონღულაშვილმა.
მან საგანმანათლებლო სფეროში სამაგიდო თამაშების აუცილებლობაზეც ისაუბრა.
„მნიშვნელოვანია, რომ სხვადასხვა საგნები ბავშვებმა ისწავლონ თამაშ-თამაშით. ეს საგანმანათლებლო სფეროს მომავალია, გარდაუვალია განათლების მიღება თამაშის გარეშე. ძალიან ბევრი ტრენდული ჟურნალი უკვე წერს ამაზე“,- განმარტა „თამაშობანას“ თანადამფუძნებელმა.
ცნობისთვის, „თამაშობანა“ ქართული თამაშების მწარმოებელი კომპანიაა, რომელიც 2015 წელს შეიქმნა და მომხმარებელს (ბავშვებს და მშობლებს) საგანმანათლებლო და გასართობ თამაშებს სთავაზობს.
