სტამბაში კომპანია D Block-ის პირველი სამუშაო სივრცე გაიხსნა
26 ივნისიდან სტამბაში აჭარა ჯგუფის კომპანია D Block-ის პირველი სამუშაო სივრცე დაიწყებს ფუნქციონირებას, რომელიც განსხვავებული სტრუქტურის, ზომისა თუ დანიშნულების ოფისებსა და საერთო სამუშაო სივრცეებს აერთიანებს.
D Block Workspace @Stamba სხვადასხვა სფეროების გადაკვეთისა და შეხვედრის ადგილია, სადაც სახელოვნებო თუ შემოქმედებით ჯგუფებთან ერთად სტარტაპები, საგანმანათლებლო პროგრამები, ადგილობრივი და საერთაშორისო ორგანიზაციები მოიყრიან თავს. სამუშაო სივრცე სტამბას ეკოსისტემის ნაწილია, რაც მისი წევრების ყოველდღიურობას მეტად მრავალფეროვანსა და მოქნილს გახდის.
სერვისები მორგებულია როგორც სხვადასხვა ზომის გუნდებზე, ისე ცალკეულ ინდივიდებზე, ერთიანი და მარტივი მართვისათვის კი შეიქმნა სპეციალური ვებ-პორტალი, რომლის საშუალებითაც D Block-ის სივრცეში მაქსიმალური სარგებელის მიღებააა შესაძლებელი.
სამომავლოდ D Block Workspaces განვითარდება როგორც თბილისის სხვადასხვა უბანში, ისე საქართველოს რეგიონებში და საერთო ღირებულებებზე დაყრდნობით შემოქმედებითი გრავიტაციის ახალ წერტილებს შექმნის
