სილამაზის ცენტრი "ნოუჰაუ" - რუსეთ-უკრაინის ომმა "შილაკის"  პროცედურა გააძვირა

რუსეთ-უკრაინის ომმა, გელ-ლაქების (ე.წ შილაკი)  პროცედურა გააძვირა.

როგორც „ბიზნესპარტნიორს“ სილამაზის ცენტრ „ნოუჰაუში“ განუცხადეს, გელ-ლაქის გასაკეთებლად საჭირო მასალების იმპორტი, ძირითადად, ამ 2 ქვეყნიდან ხორციელდებოდა, საიმპორტო ქვეყნები არც ახლა ჩაუნაცვლებიათ, თუმცა, ადგილზე ნედლეულიც გაძვირდა და მისი ტრანსპორტირებაც.

„ბოლო 1 წლიან პერიოდში, ომის დაწყებიდან დღემდე, გელ-ლაქის მასალები მნიშვნელოვნად გაგვიძვირდა. ცხადია, ამ ყველაფერმა ასახვა ჰპოვა ჩვენი მომსახურების ფასებზეც და ამ ეტაპზე, გელ-ლაქის გაკეთება 5%-ით არის გაძვირებული“,- განმარტეს სილამაზის ცენტრ „ნოუჰაუში“.

მათი ინფორმაციით, გელ-ლაქის პროცედურა „ნოუჰაუში“ ერთ-ერთი ყველაზე მოთხვნადია და სილამაზის ცენტრის მომსახურებებიდან 60% სწორედ მასზე მოდის.

„ნოუ-ჰაუში“, ბოლო დღეების განმავლობაში, ცნობილი ექიმების მიერ გაკეთებულ განცხადებებსაც ეხმაურებიან და ამბობენ, რომ გელ-ლაქის საფრთხეებთან დაკავშირებით გავრცელებულ ინფორმაციას, მათ საქმიანობაზე გავლენა არ მოუხდენია.

„ჩვენთან სიტუაცია არ შეცვლილა. ისევ იმდენი ადამიანი მოგვმართავს გელ-ლაქის მომსახურებაზე, რამდენიც მანამდე, რადგან მაღალი ხარისხის პროდუქციას ვიყენებთ ყველაფერში“, - აღნიშნეს „ნოუჰაუში“.

შეგახსენებთ, ბოლო პერიოდში, ბევრს საუბრობენ გელ-ლაქის, იმავე - "შილაკის" საფრთხეების შესახებ. ფრჩხილების მოვლის ეს პროცედურა მთელ მსოფლიოში და მათ შორის, საქართველოშიც, ყველაზე პოპულარულია.