სილამაზის სალონების ფედერაცია: ინდუსტრიამ ჩრდილოვან ნაწილში გადაინაცვლა
სილამაზის სალონებისა და ესთეტიკური ცენტრების ფედერაციის ხელმძღვანელი თამარ შარაშენიძე „ბიზნესპარტნიორთან“ აცხადებს, რომ პანდემიის პირობებში სილამაზის სალონების ინდუსტრია ჩრდილოვან მხარეს გადავიდა.
მისი განცხადებით, ყველაზე დიდი პრობლემა ბინებზე მომსახურებაა, რის გამოც დიდი დარტყა მიადგა როგორც ეპიდემიოლოგიურ სიტუაციას, ისე ბიზნესს.
„აქ კოვიდზე მეტად სხვა ინფექციების გავრცელების საშიშროებაა. ამის გარდა, დაზარალდა ბიზნესი, შემოსავლები უკონტროლო გახდა, გაჩნდა ე.წ შავი ხვრელი. სექტორი ჩრდილოვან ნაწილში გადავიდა,“ - აცხადებს შარაშენიძე.
მისი ინფორმაციით, რთულია განსაზღვრო როდის დაუბრუნდება ინდუსტრია პანდემიამდელ მაჩვენებლებს.
„ბიზნესი ცალკე არ არსებობს, ის გარკვეულწილად სხვა ბიზნესებთანაა დაკავშირებული. ასე ვართ ჩვენც. ახლა, როდესაც რესტორნები გაჩერებულია და არ მუშაობენ იმ დოზით, როგორც ადრე, ჩვენს სექტორზე ეს ნეგატიურად აისახება. სალონებში მომართიანობა იყო ზუსტად მაშინ, როდესაც ხალხი რესტორნებში აქტიურად დადიოდა. ახლა კი სალონებში მომართვიანობა დაახლოებით 50%-ით შემცირებულია“-აცხადებს შარაშენიძე.
