სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ
სავაჭრო ცენტრები მთავრობას მოუწოდებენ მათი ფუნქციონირების შეზღუდვა 24 დეკემბრის მაგივრად 15 დეკემბერს მოიხსნას.
"ჩვენს მიერ დასაქმებულია 17 000 ადამიანი, რომელიც ჩვენთან არსებული ობიექტების დაკეტვის შემთხვევაში სამუშაოს გარეშე რჩება. ახალ წელს საკმაოდ რთულ ვითარებაში შეხვდებიან.
ინტენსიური მოლაპარაკებები გვქონდა მთავრობასთან. საუბარი იყო მხოლოდ წერტილოვან შეზღუდვებზე, საათების შემცირებასა და რამდენიმე დღის ამოვარდნაზე, თუმცა 24 საათში ეს ყველაფერი შეიცვალა და ფაქტობრივად, სრული "ლოქდაუნის" წინაშე აღმოვჩნდით. ვიზიარებთ, რომ რთული პანდემიური ვითარებაა, მაგრამ მუშაობის საშუალება უნდა გვქონდეს. ჩვენი შეთავაზება ფორმალურად მივაწოდეთ კიდეც წერილობითი სახით მთავრობას.
ჩვენი შეთავაზებაა, რომ 15 დეკემბრიდან ნაცვლად 24 დეკემბრისა 3 იანვრამდე მოგვეცეს მუშაობის საშუალება. ეს შეამცირებს წნეხს სავაჭრო ცენტრებზე. ამავე დროს მოგვცემს საშუალებას, რომ ჩვენთან განთავსებულმა ობიექტებმა ამოყიდონ პროდუქცია და მომავალი მკვდარი თვეების, ანუ იანვრისა და თებერვლის განმავლობაში შეინახონ საკუთარი თავი და დასაქმებულები. ასევე საუბარია, რომ ამავე პერიოდში მოიხსნას გადაადგილებაზე შეზღუდვა", - განაცხადა "თბილისი ცენტრალის" მმართველი კომპანია GRDC Holding BV გენერალურმა დირექტორმა, ლევან ყარალაშვილმა.
