სასტუმრო “როიალ ბატონი“ გაფართოებას გეგმავს
„როიალ ბატონის“ გენერალური მენეჯერი ლაშა ხეთერელი სასტუმროს სამომავლო გეგმებზე „ბიზნესპარტნიორს“ ესაუბრა. მისი განცხადებით, სასტუმროს განახლებაზე მუშაობა დაწყებულია.
„ამ ეტაპზე არქიტექტურულ პროექტზე ვმუშაობთ, რომელიც მზად თებერვლის თვეში იქნება. პროექტი კერძო ინვესტიციით ხორცილდება.ახალი შენობის დამატებას არ ვაპირებთ.ეს იქნება ძალიან საინტერესო და განსხვავებული კონცეფცია. დამატებული იქნება ბევრი ინოვაციური ეკოატრაქცია და აქტივობა, რაც ჩვენს დამსვენებელს კიდევ უფრო მეტი განტვირთვის და ჯანსაღ გარემოში არსებობის პირობას შეუქმნის.“– აღნიშნავს ლაშა ხეთერელი.
„როიალ ბატონი“ თბილისიდან 146 კილომეტრში, კახეთში მდებარეობს. ამ ეტაპზე სასტუმროში 30 ნომერი, ღია აუზი, ტერასა და სხვა სივრცეებია განთავსებული. სასტუმრო ილიას ტბასა და მთებს შორისაა მოქცეული, გამოირჩევა განსაკუთრებული არქიტექტურით.
„რამდენიმე ღონისძიება ჩავატარეთ სასტუმროს ტერასაზე, რომელმაც ძალიან დიდი გამოხმაურება გამოიწვია.ამის გამო როგორც ჩვენი, ასევე გარშემო არსებული სასტუმროები და „გესთ ჰაუსები“ მთლიანად დაჯავშნილი იყო. ვაპირებთ ამ მიმართულების განვითარებას და მოლოდინი გვაქვს, რომ ამით ყვარლისა და კახეთის მიმართ ინტერესი კიდევ უფრო გაიზრდება“– აღნიშნავს ლაშა ხეთერელი.
