საქართველოში პირველი ინტრავენური თერაპიის ველნეს ცენტრი გაიხსნა
საერთაშორისო ვიზიტორების მოზიდვის ახალი შესაძლებლობა საქართველოსთვის: ქვეყანაში პირველი ინტრავენური თერაპიის ველნეს ცენტრი - „დროფს ველნესი“ გაიხსნა, რომელიც თანაბრად დააინტერესებს როგორც ადგილობრივ მოსახლეობას, ისე ტურისტებს.
ენერგიის აღდგენა, დეტოქსი, სილამაზის ელექსირი, პოსტ-კოვიდი, პოსტ-ალკო, თმის ცვენის შეჩერება - ეს იმ კოქტეილების მცირე ჩამონათვალია, რომლებიც მომხმარებლებს „დროფს ველნესში“ დახვდებათ. როგორც პირველი ინტრავენური თერაპიის ველნეს ცენტრის დამფუძნებლები ამბობენ, პროცედურა არის სწრაფი, უმტკივნეულო და კომფორტული. შედეგად, სეანსის შემდეგ, განახლებული მუხტით შეძლებთ დღის გაგრძელებას. მათივე ინფორმაციით, ვიტამინებისა და მინერალების გადასხმა ახდენს სხეულის რეჰიდრაციას, სიღრმისეულ წმენდასა და საკვები ნივთიერებებით მომარაგებას.
გარდა ინტრავენული ინფუზიებისა, „დროფსში“ მისულ მომხმარებელს მრავალი სარეაბილიტაციო და ესთეტიკური პროცედურა დახვდება. ესენია:
- ფიზიოთერაპია
- ოპერაციის შემდგომი რეაბილიტაცია
- სახის სპა პროცედურები
- აპარატული კოსმეტოლოგია
- ინიექციური პროცედურები
ცნობისთვის, ინტრავენული თერაპიის შესაძლებობები უკვე მთელი მსოფლიოსთვისაა ცნობილი და დიდი ხანია მას რეგულარულად იყენებენ. ეს სწრაფად მომქმედი პროცედურა ხანგრძლივი ეფექტით გამოირჩევა და დადებითად მოქმედებს როგორც ჯანმრთელობაზე, ასევე სილამაზესა და განწყობაზე.
