ბიზნესი
27/10/2023
საქართველო-საუდის არაბეთის ერთობლივი ბიზნეს საბჭო დაფუძნდა
დღეს, საქართველოს სავაჭრო პალატასა და საუდის არაბეთის სავაჭრო პალატების ფედერაციას შორის, ერთობლივი ბიზნეს საბჭოს შექმნასთან დაკავშირებით მემორანდუმი გაფორმდა.
მემორანდუმს ხელი საქართველოს სავაჭრო პალატის პრეზიდენტმა, გიორგი პერტაიამ და საუდის არაბეთის მხრიდან, კომპანია "AL Rahji International Investment Co"-ს აღმასრულებელმა დირექტორმა, აჰმედ ალი ალ-დახიმ მოაწერეს.
აღნიშნული საბჭოს ამოცანა იქნება ორმხრივი სავაჭრო-ეკონომიკური ურთიერთობების გაღრმავება და ინვესტიციების წახალისება. საბჭოს წევრებად წამყვანი ბიზნესები და ორგანიზაციები შეირჩნენ, რომლებიც შემდგომ ბიზნეს კავშირებს დაამყარებენ და ინვესტიციებს განავითარებენ.
მემორანდუმი "თბილისის აბრეშუმის გზის ფორუმი"-ს ფარგლებში გაფორმდა.
