"რითეილ გრუპ ჯორჯია" ორი ახალი ბრენდის შემოყვანაზე მოლაპარაკებებს აწარმოებს

საქართველოში სექტემბერში შესაძლოა ქალის სამოსის ორი ახალი ბრენდი შემოვიდეს. „რითეილ გრუპ ჯორჯიას“ დირექტორი რეზო მაღალაშვილი „ბიზნესპარტნიორთან“ ამ ეტაპზე არ ასახელებს თუ რომელი ბრენდები აპირებენ საქართველოს ბაზარზე შემოსვლას, თუმცა, აცხადებს, მოლაპარაკებები აქტიურ ფაზაშია.

„საუბარია თურქულ ბრენდებზე და იმედი გვაქვს, რომ მოლაპარაკებები 1-2 თვეში წარმატებით დასრულდება,“ - აცხადებს მაღალაშვილი.

გარდა ამისა, მაისში საქართველოში იტალიური კოსმეტიკის ბრენდი Kiko Milano შემოდის. ბრენდის მაღაზიები თბილისის მოლებში გაიხსნება

შეგახსნებთ, რომ „რეითეილ გრუპ ჯორჯიამ“ მოლებში უკვე გახსნა კიდევ ერთი ბრენდის - „მანგო მენ“ მეორე მაღაზიაც: „ერთი მაღაზია გვქონდა, ახლა გაიხსნა კიდევ ერთი. ბრენდი ხელმისაწვდომია როგორც „სითი მოლში“, ისე „თბილისი მოლში“.