რესტორატორთა ასოციაცია გადასახადებისგან გათავისუფლებას კიდევ ერთხელ ითხოვს

რესტორატორთა ასოციაცია გადასახადებისგან გათავისუფლებას კიდევ ერთხელ ითხოვს. წინააღმდეგ შემთხვევაში გაერთიანებაში ვარაუდობენ, რომ რესტორნების 90% დაიხურება. ასოციაციის ინფორმაციით, დღეს მუშაობა შეწყვეტილი აქვს რესტორანთა დაახლოებით 70%-ს.

„რესტორნები იმის იმედად იხურებიან, რომ როდესაც კორონა ვირუსის პანდემიამდელი რეალობა დაბრუნდება, მერე გაიხსნებიან. რესტორნების მეორე ნაწილი უსახსრობის გამო იხურება. გახსნის შესაძლებლობა უბრალოდ აღარ აქვთ. იქიდან გამომდინარე, რომ COVID-19-ით ინფიცირებულთა რაოდენობა კიდევ იმატებს, მოლოდინებიც ნეგატიურია.

დღეს არსებული მდგომარეობით რესტორნების 60-70% დახურულია. თუ ასეთი სიტუაცია გაგრძელდა, შესაძლებლობა კი ძალიან მცირედია, რომ რაიმე ცვლილება მოხდეს, რესტორნების დაახლოებით 90% დაიხურება. და მხოლოდ 10% მიაღწევს იმ რეალობას, როდესაც მდგომარეობა კოვიდამდელ მაჩვენებლებს დაუბრუნდება“,- განაცხადა „ბიზნესპარტნიორთან“ რესტორატორთა ასოციაციის თავმდჯომარემ, შოთა ბურჯანაძემ.