რატომ აღადგენს Wizz Air–ი რუსეთში ფრენებს
უკვე 6 თვეა, რაც რუსეთი უკრაინაში შეიჭრა. საერთაშორისო ბრენდები კვლავ ბოიკოტს უცხადებენ ქვეყანას, ხოლო ქვეყნები და ავიაკომპანიები კრძალავენ ფრენებს და სანქციებს აწესებენ.
ამ ყველაფრის ფონზე კომპანია Wizz Air რუსეთის მიმათულებით ფრენებს ანახლებს და ამას მგზავრების დიდი მოთხოვნის საპასუხო გადაწყვეტილებას უწოდებს.
CNN–ის ინფორმაციით, Wizz Air Abu Dhabi-მ განაცხადა, რომ განაახლებს ფრენებს აბუ დაბიდან მოსკოვის მიმართულებით, ბილეთები კი 3 ოქტომბრიდან გაიყიდება.
Wizz Air–ი კიდევ ერთ შვილობილ კომპანიას ფლობს, Wizz Air UK, რომელიც თავდაპირველად შეიქმნა Brexit-ისგან გამოწვეული პრობლემების შესამსუბუქებლად.
"Wizz Air Abu Dhabi არის არაბეთის გაერთიანებული საემიროების ეროვნული გადამზიდავი, რომელიც მუშაობს არაბეთის გაერთიანებული საემიროების ეროვნული რეგულაციებისა და პოლიტიკის შესაბამისად. ავიაკომპანია განაახლებს ოპერირებას მოსკოვში, რათა დააკმაყოფილოს მგზავრების მოთხოვნა, რომლებსაც სურთ ფრენა რუსეთში არაბეთის გაერთიანებული საემიროების დედაქალაქიდან. ამასთან, ყველა UAE. ეროვნული ავიაკომპანიები ამჟამად ახორციელებენ პირდაპირ რეისებს რუსეთის მიმართულებით."– განაცხადა Wizz Air-ის სპიკერმა.
მისივე თქმით, Wizz Air Hungary და Wizz Air UK ამჟამად არ ახორციელებენ ფრენებს რუსეთში, რასდგან დიდი ბრიტანეთიდან და ევროკავშირიდან რუსეთში ფრენები აკძალულია.
Etihad, Emirates და FlyDubai არიან ავიაკომპანიებს შორის, რომლებიც რუსეთში მოქმედებენ UAE-დან. Wizz-მა მარშრუტი თავდაპირველად 2021 წლის დეკემბერში აამოქმედა, სანამ რუსეთი უკრაინაში შეიჭრა.
"მოველით, რომ ეს გადაწყვეტილება დიდი ინტერესით იქნება განხილული. ეს შეიძლება იყოს კატასტროფა, თუმცა გარკვეული კომერციული ინტერესები გაიმარჯვებს. მიუხედავად ამისა, ეს არის სარისკო ნაბიჯი, რომელიც შეიძლება გადაიქცეს ღრმა პიარ ავტოგოლად" – ამის შესახებ მარკ ბორკოვსკიმ, კრიზისის PR კონსულტანტმა განაცხადა.
ივნისში, Wizz Air-ის აღმასრულებელმა დირექტორმა იოჟეფ ვარადიმ თქვა, რომ ავიაკომპანიას ზაფხულის ქაოსის გადატანა გაურთულდებოდა.
შეგახსენებთ, რომ Wizz Air Hungary - ქოლგა ორგანიზაცია, რომელიც ამ დროისთვის უკრაინის პასპორტის მფლობელებს თავისი ქსელის მასშტაბით 100,000 უფასო ფრენას სთავაზობს.
