პურის მწარმოებლები ბუნებრივი აირისა და სხვა კომუნალური ხარჯების გადახედვას ითხოვენ
პურის მწარმოებლები ბუნებრივი აირისა და სხვა კომუნალური ხარჯების გადახედვას ითხოვენ.
როგორც პურის მწარმოებელთა კავშირის თავმჯდომარემ „ბიზნესპარტნიორს“ განუცხადა, კომპანიებმა შუამდგომლობისთვის სოფლის მეურნეობის სამინისტროს მიმართეს.
სექტორის წარმომადგენლები ამბობენ, რომ მათ ცოტა ხნის წინ ჰქონდათ შეხვედრა სოფლის მეურნეობის სამინისტროსთან, სადაც პურის ფასის წარმოების შემცირების გარდა იმაზეც იმსჯელეს, რომ აუცილებელია პურის მწარმოებლებისთვის გაზის ტარიფის და სხვა კომუნალური ხარჯების გადახედვა.
„ენერგომატარებლების მდგენელი პურის წარმოებაში 20%-ია. ეს საკმაოდ მაღალია. ჩვენი მოთხოვნაა, გადახედონ ამ ფასებს და რეალური ტარიფი დასვან.
როგორც იცით, არასაყოფაცხოვრებო სექტორისთვის გაზი გასულ წელს გაძვირდა. ბუნებრივი აირის გამანაწილებლები მაშინ ამბობდნენ, რომ ეს დროებითი მოვლენა იყო და ლარის კურსის დასტაბილურებასთან ერთად ეს ფასებიც შემცირდებოდა. წარმოებებისთვის, რომლებიც ქალაქშია განთავსებული, წყლის ტარიფიც ძალიან მაღალია. ამის გამო, საწარმოების დიდი ნაწილი ქალაქიდან გავიდა, შერჩა ეს მაღალი ტარიფი პურის მწარმოებლებს. გვაქვს იმედი, რომ გადახედავენ ამ ფასებს.“-აღნიშნა მალხაზ დოლიძემ.
შეგახსენებთ, რომ თბილისსა და რეგიონებში არასაყოფაცხოვრებო სექტორისთვის გაზი 2022 წლის 1 ივლისიდან გაძვირდა. მაშინ ტარიფების ცვლილება სხვა სექტორის მსგავსად პურის მწარმოებლებსაც შეეხეოთ.
