პრემიერი: რუსეთისთვის ეკონომიკური სანქციები არ დაგვიწესებია და ამას არც გავაკეთებთ
პარლამენტში ინტერპელაციის წესით წარდგენისას პრემიერ-მინისტრმა კიდევ ერთხელ განაცხადა, რომ ქვეყანა უკრაინა-რუსეთს შორის ომის შედეგად სანქცირებულ იურიდიულ, თუ ფიზიკურ პირებს საქმიანობის საშუალება არ მიეცემათ.
"ეროვნულ დონეზე რუსეთის მიმართ ეკონომიკური სანქციები არ დაგვიწესებია და ამას არც გავაკეთებთ ჩვენი ეროვნული ინტერესების გათვალისწინებით. ამის მიუხედავად, არ დავუშვებთ არცერთი სანქცირებული ინდივიდისა, თუ კომპანიის უკანონო საქმიანობას საქართველოს ტერიტორიაე. არცერთ სანქცირებულ ფიზიკურ, თუ იურიდიულ პირს არ მივცემთ საშუალებას, რომ გამოიყენოს საქართველო სანქციების გვერდის ავლის მიზნით. დღემდე ასეთი ფაქტი არ დაფიქისრებულა. იმის მიუხედავად, რომ არაერთი უსაფუძვლო ცილისწამება გვესმის. ჩვენი კანონმდებლობა სრულ შესაბამისობაშია საერთაშორისო სამართალთან და რეზოლუციებთან",- განაცხადა ღარიბაშვილმა.
