"ოტიას ეზო" გესთჰაუსის გახსნისთვის დაფინანსებას ელის
ოტია იოსელიანი წყალტუბოში ოჯახურ მეურნეობა „ოტიას ეზოში" საოჯახო სასტუმროს გახსნისთვის დაფინანსებას ელოდება.
როგორც „ბიზნესპარტნიორთან“ მეურნეობის დამფუძნებელი ოტია იოსელიანი აცხადებს, დაფინანსებას კომპანია ორი ორგანიზაციიდან ელოდება, აქედან პროგარამა „აწამოე საქართველოშია“.
ოტია იოსელიანის ინფორმაციით, თუ ყველაფერი კარგად იქნა, 3-4 ადგილიან გესთჰაუსში პირველ სტუმარს მეურნეობა მომავალი წლის ზაფხულში მიიღებს. მისივე განცხადებით, პროექტში 30 000 ევრო ჩაიდება.
მისი ინფორმაციით, სახლ-მუზეუმის პირველ სართულზე მარანია განთავსებული, სადაც სხვადასხვა სახის ღვინის დაგემოვნებაა შესაძლებელი.
„ეს ოჯახის ღვინოა. ამ ეტაპზე 4 დასახელების ღვინოს (ჩხავერი,ოცხანური საფერე, ცოლიკაური, ოჯალეში) ვამზადებთ,“ - აცხადებს ოტია იოსელიანი.
"ოტიას ეზო" 2015 წელს ქართველი მწერლის ოტია იოსელიანის სახლ-მუზეუმში მისი ოჯახის წევრებმა დააფუძნეს. ამჟამად მეურნეობაში - ციტრუსი, სიმინდის ფქვილი, აჯიკა, სვანური მარილი, ლობიო, თაფლი და სხვა პროდუქტები აქვთ. როგორც ოტია იოსელიანი აცხადებს, ის პროფესიით არქიტექტორია, თუმცა მეურნეობა არქიტექტურასთან ერთად მისი ერთ-ერთი მთავარი საქმეა.
