ოკტოპუს ფიტნეს კლუბი: ახალგაზრდები უპირატესობას დისტანციურად მუშაობას ანიჭებენ
„ოკტოპუს ფიტნეს კლუბის“ დირექტორი გიორგი ასათიანი „ბიზნესპარტნიორთან“ სფეროში არსებულ კადრების დეფიციტზე საუბრობს და აცხადებს, რომ ეს საკითხი ყველაზე მწვავედ დღის წესრიგში ახლა დგას.
„ეს პრობლემა გარკვეულწილად კოვიდ პანდემიასთანაცაა დაკავშირებული. განსაკურებით, ახალგაზრდებში საკმაოდ შეიცვალა სამსახურებისადმი მოთხოვნა. მიუხედავად იმისა, რომ ხელფასები პანდემიამდელ პერიოდში არსებულთან შედარებით საკმაოდ გაზრდილია, მაინც რთულია კვალიფიცური კადრის მოძიება. მიუხედავად იმის, რომ საკმაოდ გავაუმჯობესედ პირობებიც, გავზარდეთ საშუალო ხელფასიც.
შეცვლილია ქცევა და შრომისუნარიანი ადამიანების უმრავლესობა დაინტერესებულია დისტანციურად მუშაობაზე, რაც კლასიკურ, ჩვენნაირი ბიზნესს ნაკლებად ერგება ხოლმე,“-აცხადებს ასათიანი.
ფიტნეს კლუბი „ოკტოპუსი“ 2016 წლის ზაფხულში გაიხსნა. დღეს ის 3 ფილიალით არის წარმოდგენილი. „ოკტოპუსი“ აღჭურვილია უმაღლესი ხარისხის Lifefitness-ის და Tecnogym-ის ტრენაჟორებით.
კლუბი გამორჩეულია ავანგარდული ინტერიერით, სადაც შერწყმულია მაქსიმალური სიმყუდროვე და კომფორტი და მორგებულია ყველა ტიპის მომხმარებელზე.
