ნავთობიმპორტიორთა კავშირი: საქართველოს საწვავის დეფიციტი არ ემუქრება
საქართველოს საწვავის დეფიციტი არ ემუქრება, რადგან არსებობს საკმარისი მარაგები, -ამის შესახებ "ბისნესპარტნიორთან" ნავთობპროდუქტების იმპორტიორთა კავშირის თავმჯდომარე ვახტანგ იობაშვილი აცხადებს.
რაც შეეხება ფასებს, მხოლოდ მაშინ გახდება როდესაც ახალი პარტნიორების მოძიების საჭიროება დადგება, რომლებიც ბაზარზე რუსულ ნავთობს ჩაანაცვლებენ.
"მხოლოდ ამის შემდეგ გახდება ცნობილი, წინასწარ კი საწვავის ღირებულების განსაზღვრა ფაქტობრივად შეუძლებელია. მარაგები ყველა კომპანიას აქვს. მე ადრე ვამბობდი, რომ მარაგები არის ისეთი სტრატეგიული, რომ ზუსტად ახლა დაიწყებენ ნელ-ნელა გამოყენებას, მაგრამ ამასობაში ჩვენ სხვა წყაროებზე გადავჯდებით. რას მოგვცემს ეს, როგორ ფასებს, ამას ჩვენ მხოლოდ მას შემდეგ ვნახავთ, როცა მოგვაწოდებენ.
სადამდე გასტანს, ეს რუსული ღონიძიება, ე.წ ბაზრის მოწესრიგება, არავინ იცის, ეს ასეთი მარტივი არ არის. გამიჭირდება ვთქვა, რომ რუსეთივით დაბალი ფასი მოვიძიოთ დღესდღეობით სადმე."- აღნიშნავს ვახტანგ იობაშვილი.
მათივე თქმით, რა თქმა უნდა, რუსეთის ამ გადაწყვეტილებას საწვავის ექსპორტის აკრძალვასთან დაკავშირებით ბაზარზე გავლენა ექნება, თუმცა მნიშვნელოვანია ის თუ როგორ იმოქმედებენ სხვა იმპორტიორები და რამდენად მოახდენენ მათი წილის გაზრდას.
ნავტობიმოირტირთა ასოციაციაში არ გამორიცხავენ, რომ რუსეთმა რამდენიმე ქვეყნისთვის გამონაკლისი დაუშვას, მათ შორის საქართველოსთვისაც, თუმცა ეს ვარაუდიც იქედან გამომდინარეობს, რომ რუსეთი თავის გადაწყვეტილებებში არასტაბილურია.
შეგახსენებთ, რომ რუსეთის წილი საქართველოს ნავთობის იმპორტში თითქმის 80%-ს შეადგენს. თუმცა, 21 სექტემბერს რუსეთის მთავრობის გადაწყვეტილებით, ქვეყანამ საავტომობილო ბენზინისა და დიზელის საწვავის ექსპორტი აკრძალა, ამის მიზეზად კი რუსეთის ტერიტორიაზე შექმნილი დეფიციტი სახელდება.
