მინერალური წყლის კომპანია "კოკოტაური" წარმოების განახლებას გეგმავს
4 წლიანი პაუზის შემდეგ, შპს „კოკოტაური" წარმოების აღდგენას აპრილში გეგმავს. როგორც კომპანიის ხელმძღვანელი ვლადიმერ შერვაშიძე „ბიზნესპარტნიორთან“ აცხადებს, ქარხანა ამ დროისთვის გაჩერებულია, წარმოების დაწყება კი გასაღების ბაზრების მოძიებაზეა დამოკიდებული.
შარვაშიძის ინფორმაციით, პროდუქციის მიწოდებაზე ამ დროისთვის მოლაპარაკებები მიმდინარეობს უკრაინასთან, დადებითი შედეგის შემთხვევაში კი კომპანია წარმოებას აღადგენს. მისი განცხადებით, საწყის ეტაპზე დაგეგმილია პროდუქციის ექსპორტზე გატანა, სამომავლოდ, შერვაშიძე მინერალური წყლის ადგილობრივ ბაზარზე რეალიზაციასაც.
შპს „კოკატაური" ქედის მუნიციპალიტეტში, სოფელ კოკოტაურში მდებარეობს. კომპანია რუსულ-ქართული კაპიტალითაა შექმნილი. მინერალური წყალი "კოკოტაური" საჭმლის მომნელებელი ორგანოების ფუნქციას აუმჯობესებს. ასევე რეკომენდებულია ქრონიკული გასტრიტების, კუჭისა და თორმეტგოჯა ნაწლავის წყლულის, ინფექციური ჰეპატიტის, ქრონიკული მიმდინარეობის პანკრიატიტების დროს.
