ლევან დავითაშვილი: საწვავზე ფასების კლებას ველოდებით
მთავრობა საწვავზე ფასების კლებას პროგნოზირებს.
ლევან დავითაშვილის განმარტებით, იმპორტიორებს არსებული მარაგები პიკურ პერიოდში აქვთ შეძენილი, რაც არსებულ მაჩვენებლებს განაპირობებს. მინისტრი აქვე ამბობს, რომ საწვავზე გადასახადის გაუქმება არ განიხილება.
"მთავრობაში დაზღვევის მექანიზმებზე ვმსჯელობთ. შეიძლება გამოვიყენოთ სხვადასხვა ინტერვენცია. საწვავზე გადასახადების გაუქმება არ არის ადეკვატური ზომა. დავაკვირდებით სიტუაციას. ძალიან ფრთხილად უნდა მივუდგეთ ასეთ საკითხებს, რათა ამას არ ჰქონდეს პრეცენდენტული სახე და იმოქმედოს ქვეყნის მაკროეკონომიკურ დონეზე. თუმცა, გვესმის ამ საკითხის მგრძნობიარობა. ეკონომიკური გუნდი მუშაობს. დღეს საცალო ქსელებში იყიდება საწვავი, რომელიც ფასების პიკში შეიძინეს. გვაქვს იმპორტიორებთან ურთიერთობა და ველოდებით, რომ უფრო ნაკლებ ფასში შეძენილი საწვავიც გამოჩნდება ბაზარზე. პიკური ფასები გადაივლის და შესაძლოა, დროის რაღაც მომენტში უფრო ნაკლები ფასი ღირდეს. საწვავზე ფასების კლებას ველოდებით",- განაცხადა დავითაშვილმა.
