კომუნიკაციების ომბუდსმენთან ყველაზე ხშირად "სილქნეტს" უჩივიან

კომუნიკაციების დარგში მომხმარებელთა ინტერესების საზოგადობრივი დამცველის სამსახურში ყველაზე მეტი საჩივარი „სილქნეტის“ მისამართით შევიდა.

2022 წელს კომუნიკაციების ომბუდსმენს სულ 1227 საჩივრით მიმართეს, საიდანაც 440 საჩივარი  სწორედ „სილქნეტს“ ეხებოდა, შემდეგია „მაგთიკომი“ - 376 საჩივარი, „ვიონი საქართველო“ – 78 საჩივარი, შპს „სტერეო+“ 39 საჩივარი, „ახალი ქსელები“ - 31 საჩივარი და ა.შ.

როგორც საზოგადოებრივი დამცველი განმარტავს, სამსახურში წლიდან წალმდე მიმართვიანობის მაჩვენებელი იზრდება. თუკი 2022 წელს კომუნიკაციების ომბუდსმენს 1227 საჩივრით მიმართეს, 2021 წელს ეს მაჩვენებელი -  971 , 2020 წელს -  822, ხოლო 2019 წელს -  714 იყო.

ორგანიზაციის ცნობით, საჩივრების 90% კომპანიებსა და მომხმარებელს შორის მორიგების, მედიაციის გზით წყდება.