ქობულეთში, "დრიმლენდ ოაზისის" ტერიტორიაზე 2 მრავალფუნქციური კომლექსის მშენებლობა იგეგმება

ქობულეთში „დრიმლენდ ოაზისის“ კუთვნილ ტერიტორიაზე, ორი მაღალსართულიანი, მრავალფუნქციური კომპლექსის  მშენებლობა იგეგმება.

ქობულეთის მუნიციპალიტეტის საკრებულომ აღნიშნულ ნაკვეთზე მრავალფუნქციური ობიექტის მშენებლობის მიზნით დამტკიცებული კონცეფციის გათვალისწინებით შემუშავებული განაშენიანების დეტალური გეგმა დააამკიცა.

საუბარია ქობულეთში, დავით აღმაშენებლის გამზირ №297-ში არსებულ მიწის ნაკვეთზე, სადაც, გეგმის თანახმად უნდა მოეწყოს სრულყოფილი ინფრასტრუქტურის მქონე მრავალფუნქციური კომპლექსი. ნაკვეთის ფართი შეადგენს 15611,00 კვ.მ-ს.

დოკუმენტში ვკითხულობთ: „გეგმარებითი ერთეული განლაგებულია სანაპირო ზოლის ერთ-ერთ უალმაზეს ადგილზე დავით აღმაშენებლის გამზირისა და თამარ მეფის სანაპიროს შორის, ყოფილი „პანსიონატ ქარიშხალა“-ს ტერიტორიაზე და მის მიმდებარედ ჩრდილოეთისა და სამხრეთის მხრებიდან მდებარეობს ქობულეთის მუნიციპალიტეტის საკუთრებაში არსებული ნაკვეთები, სადაც განლაგებულია საზოგადოებრივი სკვერები და დავით აღმაშენებლის გამზირიდან თამარ მეფის სანაპიროზე გადასასვლელი გზები, აღმოსავლეთის მხრიდან დავით აღმაშენებლის გამზირი და დაბალი ინტენსივობის მქონე განაშენიანება, ხოლო დასავლეთის მხრიდან თამარ მეფის სანაპირო, პლაჟი და შავი ზღვა, რომლებიც წარმოადგენს საზოგადოებრივ სივრცეს.“

საპროექტო ტერიტორიაზე გასანთავსებელი სასტუმრო ტიპის დანიშნულების შენობა ნაგებობა დაკომპლექტებულია სტანდარტული აპარტნომრებით. 

25 და 35 სართულიან ორ შენობაში 840 აპარტნომერი უნდა განთავსდეს.