ქართულ ბაზარზე ახალი ბრენდი შემოდის - Lefties-ის პირველი მაღაზია 2023 წელს გაიხსნება

ახალი ბრენდი ქართულ ბაზარზე - Lefties-ი გლობალური ჯგუფი Inditex-ის ერთადერთი ბრენდია, რომელიც ამ დროისთვის საქართველოში წარმოდგენილი არ არის.

Lefties-ი ბაზარზე კომპანია "რითეილ გრუპ ჯორჯია" შემოიყვანს, პირველი მაღაზია კი უკვე მომავალ წელს გაიხსნება. 

„ამბიციური გეგმები გვაქვს. უკვე მოვაწერეთ ხელი მოეწერა ერთ-ერთი ახალი ბრენდის შემოსვლას, ეს არის „ინდიტექსის“ ოჯახის ახალი ბრენდი. Inditex-ი წარმოადგენს ზარას, მასიმო დუტის, ბერშკას, ოიშოს და სხვა. „ინდიტექსის“ ჯგუფის ერთადერთი წევრი lefties გვაკლდა საქართველოში და „ლეფთისიც“ გაიხსნება მომავალი წლის დასაწყისში, კერძოდ, თებერვლის ბოლოს, მარტის დასაწყისში. ერთბაშად 2 მაღაზიას გავხსნით, ერთი გაიხსნება „სითი მოლში“, მეორე - „სითი მოლ გლდანში“. მესამე მაღაზიას კი მომავალი წლის ბოლოს გავხსნით. ამასთან, შემოგვყავს საშუალო ზომის ბრენდებიც და ასევე ვაბრუნებთ „პარფუას“,  - განმარტა "ბიზნესპარტნიორთან" „რითეილ გრუპ ჯორჯიას“ დირექტორმა რეზო მაღალაშვილმა.