კახა ბექაური: ნომრის პორტირება აბონენტებს სერვისცენტრში მისვლის გარეშე შეუძლიათ
კახა ბექაურმა, პარლამენტში გამართულ დარგობრივი კომიტეტის სხდომაზე, ComCom-ის 2022 წლის ანგარიში წარადგინა, რომლის ფარგლებშიც, აბონენტებისთვის ნომრის პორტირების გამარტივების შესახებ ისაუბრა.
თავმჯდომარის განცხადებით, გასულ წელს, კომისიამ ფიქსირებული და მობილური საკომუნიკაციო ქსელის მომსახურებების მიმწოდებელი კომპანიებისთვის, ახალი წესები დაამტკიცა, რომლის მიხედვითაც აბონენტებს ნომრის პორტირება სერვისცენტრებში მისვლის გარეშე შეუძლიათ.
"განახლებული წესებით, მომხმარებლებს აქვთ შესაძლებლობა მობილური ნომრის პორტირების განაცხადი დისტანციურად, სასურველი ოპერტორის სერვისცენტრში მისვლის გარეშე გააკეთონ და ახალი ოპერატორის სიმ-ბარათი ნებისმიერ მისამართზე მიიღონ. ასევე, აქვთ შესაძლებლობა არსებული ნომერი ტექნოლოგიის ცვლილების მიუხედავად შეინარჩუნონ,"-აღნიშნა კახა ბექაურმა.
