"ჯორჯიან პროდაქტს რენესანსის" წარმოებული პეკანი 35 ქვეყნის ბაზარზე გაიყიდება
საქართველოში წარმოებული და გადამუშავებული პეკანი ექსპორტზე 6 კონტინენტის 35 ქვეყანაში გავა. პროდუქტის სატესტო წარმოება „ჯორჯიან პროდაქტს რენესანსმა“ წელს დაიწყო.
მიმდინარე ეტაპზე კომპანიამ კახეთში მოყვანილი 25 ტონა პროდუქტი შეისყიდა და გადაამუშავა, თუმცა მომავალი წლისთვის კაკლისებრი კულტურის გადამუშავების გაორმაგებას გეგმავს.
თხილის გადამამუშავებელი ქარხანა, რომელიც ბაზარზე 2014 წლიდან არსებობს ყოველწლიურად საექსპორტოდ 2000 ტონამდე თხილს გადაამუშავებს.
გაფართოვებისთვის და პეკანის საწარმოო ხაზის ასაწყობად საწარმომ პანდემიურ წელს 70 000 დოლარის ინვესტიცია განახორციელა. ახალი დანადგარები პროდუქტს ამტვრევს, აკალიბრებს, ახარისხებს, ფუთავს და საექსპორტოდ ამზადებს.
„ჯორჯიან პროდაქტს რენესანსი“ ამ დროისთვის 120-ზე მეტ ადამიანს ასაქმებს.
“ჯორჯიან პროდაქტს რენესანსი“ USAID-ის სოფლის მეურნეობის პროგრამის ბენეფიციარია.
