ბიზნესი
02/08/2021
ირაკლი ღარიბაშვილი: ბიზნესს მაქსიმალურად შევუწყობთ ხელს
პრემიერ-მინისტრის ირაკლი ღარიბაშვილის შეფასებით, ივნისში ეკონომიკის 18.7%-იანი ზრდა ადასტურებს, რომ ქვეყანაში ეკონომიკის ზრდა მაღალი ტემპით მიმდინარეობს.
“ჩვენს მიერ გადადგმული სწორი ნაბიჯების შედეგად ქვეყანაში ეკონომიკის სწრაფი აღდგენა მიმდინარეობს.
ბოლო 3 თვის განმავლობაში მაღალი ეკონომიკური ზრდა ფიქსირდება, რაც სასიხარულო ამბავია ჩვნთვის. 6 თვის მაჩვენებელმა შეადგინა 12.8% - ეს უპრეცედენტო ზრდაა“,- აღნიშნა ირაკლი ღარიბაშვილმა.
პრემიერის თქმით, მთავრობა ბიზნესის ხელშეწყობის მიზნით ახალ პროექტებს დააფინანსებს. პროგრამა “აწარმოე საქართველოში“ განახლებულ პაკეტს ეკონომიკის მინისტრი ნათია თურნავა წარმოადგენს.
“ჩვენ მაქსიმალურად ხელს შევუწყობთ ბიზნესს“, - აღნიშნა ირაკლი ღარიბაშვილმა.
