გიორგი სურგულაძე: კატალიზატორების ექსპორტის შეჩერება საუკეთესო ინიციატივაა
ავტოიმპორტიორების ნაწილი მთავრობის ინიციატივას - შეჩერდეს კატალიზატორების ექსპორტი, დადებითად აფასებს.
"ვისაც 1000 დოლარი დასჭირდებოდა, წავიდოდა თავის ავტომობილს მოხსნიდა კატალიზატორს და ჩააბარებდა, რაც რეალურად შემდეგ გარემოსთვის პრობლემებს ქმნიდა, - ამის შესახებ „ბიზნესპარტნიორს“ გიორგი სურგულაძემ, „კავკასიის ავტოიმპორტის“ დირექტორმა განუცხადა.
მისი განცხადებით, ის მანქანა, რომელსაც კატალიზატორი მოხსნეს,გამონაბოლქვის თვალსაზრისით, არანაირ სტანდარტებს აღარ აკმაყოფილებს ].
„ახლა თუ კატალიზატორის ექსპორტი აიკრძალება, მის მოხსნასაც აზრი აღარ ექნება. შედეგად, გარემოზე ნეგატიური გავლენაც შემცირდება“, - განმარტა გიორგი სურგულაძემ.
შეგახსენებთ, კატალიზატორების ექსპორტის აკრძალვის გარდა, პრემიერი დღეს კიდევ ერთი ინიციატივით გამოვიდა, კერძოდ, საქართველოში 2013 წლამდე გამოშვებული ავტომობილების იმპორტი 2024 წლიდან აიკრძალება.
