ბიზნესი
12/03/2021
"ბუტრანას" პანდემიის მიუხედავად გაყიდვები 30%-ით გაეზარდა
ყველისა და ღვინის კომპანია „ბუტრანას“ პანდემიის მიუხედავად, გაყიდვები გასული წლის ანალოგიურ პერიოდთან შედარებით, 30%-ით გაეზარდა.
როგორც „ბიზნესპარტნიორს“ კომპანიის დამფუძნებელმა ჯემალ ხატიაშვილმა განუცხადა, ამის მიზეზია წარმოების გაზრდილი რაოდენობა და „ბუტრანას“ პროდუქციაზე გაზრდილი მოთხოვნა.
„არსებულ მაღალ მოთხოვნას ამ დროისთვის სრულად ვერ ვაკმაყოფილებთ, სწორე ამიტომ მეორე ფერმის მშენებლობა დავიწყეთ," - აცხადებს ხატიაშვილი.
„ბუტრანა“ სოფელ ტიბაანში, ფერმის და შატოს აშენებასაც გეგმავს. კომპანია ამ ეტაპზე, 2 სახეობის ქვევრის ღვინოს, 20-ზე მეტი სახეობის ყველს და სუფრის ყურძენს აწარმოებს.
