ბიზნესმა 2021 წლის IV კვარტალში 693.4 ათასი ადამიანი დაასაქმა

საქსტატის მონაცემებით, 2021 წლის IV კვარტალში ბიზნეს სექტორში დასაქმებულთა რაოდენობამ 693.4 ათასი კაცი შეადგინა, რაც გასული წლის შესაბამისი პერიოდის მაჩვენებელზე 8.1%–ით მეტია.

საწარმოებმა პერსონალზე 3,255 მლრდ ლარი დახარჯეს, მაჩვენებელი წლიურად 24%–ით არის გაზრდილი. 

დასაქმებულთა მთლიანი რაოდენობიდან 42.7% ქალია, ხოლო 57.3%- კაცი.

დაქირავებულთაგან 664 ათასი კაცი იყო, 9%-ით მეტი, ვიდრე 2020 წლის IV კვარტალში.

დასაქმებულთა 39.5% მსხვილ ბიზნესზე მოდის, 22.5% - საშუალოზე, ხოლო დარჩენილი 38% - მცირე ბიზნესზე.

საანგარიშო პერიოდში საშუალო თვიური ხელფასი ბიზნეს სექტორში 1 597.8 ლარს გაუტოლდა, რაც გასული წლის შესაბამისი პერიოდის მაჩვენებელთან შედარებით 181 ლარითაა გაზრდილი. მათ შორის ქალების ხელფასი 173 ლარით, 1 242.6 ლარამდე გაიზარდა.

 საწარმოთა ზომის მიხედვით საშუალო თვიური ხელფასი შემდეგნაირია:

 ⦁ მსხვილი ბიზნესი – 1 666.9 ლარი

⦁საშუალო ბიზნესი – 1 883.3 ლარი

⦁ მცირე ბიზნესი – 1 328.1 ლარი.

დასაქმებულთა რაოდენობა რეგიონების მიხედვით:  თბილისი – 65.6%, აჭარა – 9%, იმერეთი – 7%, ქვემო ქართლი – 5.7% და სამეგრელო-ზემო სვანეთი – 3.5%.

ინფორმაციისთვის, ბიზნეს სექტორის ბრუნვის მოცულობა 2021 წლის IV კვარტალში გასული წლის შესაბამის პერიოდთან შედარებით 36.6%–ით გაიზარდა და 43.8 მლრდ ლარი შეადგინა.

ამავე პერიოდში, მთლიანი ბრუნვის 61.2% მსხვილ ბიზნესზე მოდის, 18.4% - საშუალოზე, ხოლო 20.4%- მცირე ბიზნესზე ნაწილდება.