ბაზარზე ლურჯი და ყურძნის წიპწის პური გამოჩნდა
ლურჯი პური, ნივრიანი პური, ყურძნის წიპწის პური და პური შავი ქლიავის ჩირით - ეს ახალი სახეობების ჩამონათვალია, რომელთა წარმოებაც კომპანია „მზეთამზემ“ „გემოვანის“ ბრენდით დაიწყო.
უახლესი პროდუქტი ბაზარზე დეკემბრის ბოლოს გამოჩნდა და როგორც „მზეთამზეს“ტექნიკური დირექტორი ზვიად ხარბედია ამბობს, მომხმარებლის დიდი მოწონებაც დაიმსახურა.
„ახალი წარმოება დავიწყეთ, განსახვავებული მიმართულების, განსხვავებული ხაზის, რომელსაც ჰქვია სხვადასხვა დელიკატესებით გაჯერებული პური. რამდენიმე სახეობა შევთავაზეთ მომხმარებელს სრულიად ექსკლუზიური, მაგალითად, ლურჯი პური, ნივრიანი პური... ახალი სახეობის პურები ქარხნული წარმოებისგან განსხვავებული მეთოდით მზადდება, ეს არის ხელნაკეთი პური, თუმცა წარმოების პროცესში, დავტოვეთ ჩვენი პრინციპები - აბსოლუტურად ჯანსაღი ქართული ნედლუელი, ჯანსღი საფუარით“, - დასძინა ზვიად ხარბედიამ.
მისივე ინფორმაციით, „მზეთამზეში“ პურის ხელნაკეთი ხაზის განვითარებას და ამ კუთხით მომხმარებლებისთვის სიახლეების შეთავაზებას მომავალშიც გეგმავენ, თუმცა ამბობენ, რომ ისევე როგორც თითქმის ყველა სექტორს, კადრების დეფიციტი მათაც აწუხებთ.
„კადრები ამ ქვეყნის პრობლემაა. პროფესიული ჩვევებით და უნარებით კადრებს ვერ ვპოულობთ, ამიტომ, გახსნილი ვართ სრულიად გამოუცდელი ადამიანებისთვის, რომლებსაც სჭირდებათ სამსახური და ვცდილობთ, მათ ვასწავლოთ ყველაფერი“, - დასძინა „მზეთამზეს“ტექნიკური დირექტორმა.
ცნობისთვის, ამ ეტაპზე, „მზეთამზეს“ საწარმოში 20-ზე მეტი ადამიანია დასაქმებული.
