ბარ-რესტორანი "სადგური" ლუდსახარშის მოწყობას გეგმავს

ბარ-რესტორანი "სადგური" ლუდსახარშის მოწყობას გეგმავს. ამის შესახებ „ ბიზნესპარტნიორს“ ბარ-რესტორნის დამფუძნებელმა, გიორგი ბარათაშვილმა განუცხადა.მისი ინფორმაციით, აღნიშნული ჯერ მხოლოდ იდეის დონეზეა და ამ დროისთვის პროექტის დამუშავება მიმდინარეობს. 

როგორც ბარათაშვილი აცხადებს, "სადგურის" ტერიტორიაზევე მოწყობილ ლუდსახარშს მხოლოდ ბარ-რესტორნის მომარაგების ფუნქცია ექნება.

რაც შეეხება ახალ სივრცეს, „სადგურმა“  ლუდის ჰოლი გახსნა, რაშიც  ჯამურად 300 ათას ლარამდე ინვესტიცია განხორციელდა.

აღნიშნული სივრცე კერძო და კორპორატიული ღონისძიებისთვის, ასევე ფესტივალებისთვისა და გამოფენებისთვისაა განკუთვნილი.

„ახალ სივრცეში 250-დან 300 ადამიანის განთავსებაა შესაძლებელი. გვსტუმრობენ როგორც ქართველი, ასევე უცხოელი სტუმრებიც, მათ შორის აქტიურობით გერმანელები გამოირევიან," -აცხადებს ბარ-რესტორნის დამფუძნებელი.

ბარ - რესტორან „სადგურში“ ჯამში 15 ადამიანია დასაქმებული, რომელთა უმრავლესობაც ადგილობრივი მოსახლეობაა, თუმცა როგორც დამფუძნებელი აღნიშნავს, სექტორში გამოწვევა ენის ბარიერია. 

აღსანიშნავია, რომ ტურისტული ობიექტი ასურეთში მდებარეობს და მეოცე საუკუნის 30-იან წლებში, გერმანელების მიერ აშენებული სამანქანე სადგურის ტერიტორიაზე მოწყობილი ბარ-რესტორანია.