ბარ-რესტორანი "სადგური" ფართოვდება
ტურისტული ობიექტი „ სადგური“ გაფართოებას გეგმავს. ამის შესახებ გადაცემა „ბიზნესი რუსთავი 2-თან“ "სადგურის" დამფუძნებელმა, გიორგი ბარათაშვილმა განაცხადა.
მისი ინფორმაციით, ბარ-რესტორანი ლუდის ჰოლის დამატებას აპირებს, რომელიც სხვადასხვა ღონისძიებებსა და ფესტივალებს უმასპინძლებს.
„ახალი სივრცის გახსნას დაახლოებით ორ თვეში ვგეგმავთ, რომელიც ბავარიის მსგავსად ლუდის ჰოლის ტიპის სივრცე იქნება. ადამიანებს შეეძლებად მოსვლა და ადგილზე ლუდის დაგემოვნება „- აცხადებს „სადგურის“ დამფუძნებელი.
აღსანიშნავია, რომ ტურისტული ობიექტი ასურეთში მდებარეობს და მეოცე საუკუნის 30-იან წლებში, გერმანელების მიერ აშენებული სამანქანე სადგურის ტერიტორიაზე მოწყობილი ბარ-რესტორანია.
აღნიშნული ობიექტის მიზანი საქართველოში ევროპული სოფლების გამოცდილებების გადმოტანა იყო. სამომავლოდ კი „სადგურს“ საკუთარი ლუდსახარშის მოწყობის გეგმა აქვს. ბიზნეს პროექტის ბიუჯეტი კი ერთ მილიონ ლარამდეა.
