ATABATA სასწავლო კურსს იწყებს
საქორწილო აქსესუარების ბრენდი ATABATA სასწავლო კურსს იწყებს, - ამის შესახებ "ბიზნესპარტნიორს“ ბრენდის დამფუძნებელმა, თამარ წიკლაურმა განუცხადა.
მისი ინფორმაციით, სასწავლო კურსი სექტემბრის თვიდან დაიწყება და აუდიტორიას საშუალება ექნება, შეისწავლონ როგორც აქსესუარების დამზადება, ასევე ბიზნესში პირველი ნაბიჯები გადადგან.
აღსანიშნავია, რომ კურსი როგორც ონლაინ, ასევე ადგილზე ჩატარდება.
"მომხმარებელს სხვადასხვა სახის პაკეტს შევთავაზებთ, რის მიხედვითაც ფასი განისაზღვრება.სასწავლო კურსის საწყისი ღირებულება, 150 ლარიდან დაიწყება. "- აცხადებს წიკლაური.
როგორც ბრენდის დამფუძნებელი აღნიშნავს, ემიგრანტების მხრიდან ძალიან დიდი მოთხოვნაა. ისეთი ქვეყნებიდან როგორიცაა იტალია, ესპანეთი და ამერიკა. შესაბამისად, წიკლაური ვარაუდობს, რომ მეტწილად კურსი ონლაინ სწავლებით იქნება დატვირთული.
