“თუ ტურიზმმა 2021 წელს აღდგენა დაიწყო, ეკონომიკა დაახლოებით 5%-ით გაიზრდება“-G&T

“თუ ტურიზმის სექტორმა  2021 წელს აღდგენა დაიწყო და 2019 წლის მაჩვენებლის 50%-ზე გავიდა, საქართველოს ეკონომიკის ზრდა  5%-ის ფარგლებში იქნება“, - პროგნოზს „გალტ ენდ თაგარტის“ კვლევების დეპარტამენტის უფროსი აკეთებს.

ევა ბოჭორიშვილი „ბიზნესპარტნიორთან“ აღნიშნავს,  რომ ვირუსის საწინააღმდეგო ვაქცინის შესახებ პოზიტიური ინფორმაციები დადებით მოლოდინებს აჩენს, თუმცა დიდია გაურკვევლობაც.

„თუ ტურიზმი არ აღდგა, ან არ აღდგა  იმ ტემპით, რაც მოსალოდნელია, რადგანაც გრძელდება გაურკვევლობა, რამდენად სწრაფად მოხდება ვაქცინაცია, ამ შემთხვევაშიც ჩვენ ვფიქრობთ, რომ ტურიზმის გარეშეც იქნება ეკონომიკის ზრდა, თუმცა იქნება ბევრად დაბალი, დაახლოებით 3.5%-ის ფარგლებში. ეს არის ის პროგნოზები, რაც ამ ეტაპზე გვაქვს“, - აცხადებს ევა ბოჭორიშვილი.

რაც შეეხება 2020 წლის პროგნოზებს. ახალმა გაფართოებულმა შეზღუდვებმა მოლოდინები გააუარესა, შედეგად, ეკონომიკის ვარდნა 5.5%- ი იქნება.