"შერატონ ბათუმმა" 2019 წელი 2,2 მლნ-ის მოგებით დაასრულა

24.12 მლნ ლარის შემოსავალი და 2.2 მილიონის მოგება - „შერატონ ბათუმის“ მფლობელმა ფინანსური ანგარიში გაასაჯაროვა.

სასტუმროს მფლობელი "ნუროლ ინშაათ ვე თიჯარეთის" წარმომადგენლობაა საქართველოში. 2019 წელს კომპანიას შემოსავალი 2.1 მილიონით გაეზარდა.

შემოსავლებში ყველაზე დიდი წილით ნომრების გაქირავებიდან მიღებული თანხაა - 13.8 მლნ ლარი, ბარიდან და რესტორნიდან შემოსავალი 5.39 მლნ იყო, სპა ცენტრიდან - 882 ათასი, კომერციული ფართების იჯარიდან 832.7 ათასი. ნუროლი რეზიდენსის ოთახების გაქირავებიდან მიღებული შემოსავალი 3.21 მლნ ლარს აღემატებოდა.

შერატონის ბრენდის გამოყენების უფლება კომპანიას შეძენილი აქვს Starwood Hotels & Resorts Worldwide,  ბრენდით სარგებლობასთან დაკავშირებული ფრანჩაიზინგის ხარჯი 2019 წელს 1 776 062  ლარი იყო.

„შერატონ ბათუმს“ 202 სასტუმრო და 26 ლუქსის ტიპის ნომერი აქვს.