ტურიზმი
08/07/2023
"შატილის შემდეგ, "სულფონის" ბრენდით მეორე სასტუმრო დუშეთშიც გაიხსნება
შატილის შემდეგ, "სულფონის" ბრენდით მეორე სასტუმრო დუშეთშიც გაიხსნება - ამის შესახებ „ბიზნესპარტნიორს“ საოჯახო სასტუმრო „სულფონის“ დამფუძნებელმა, ანნა ჭინჭარაულმა განუცხადა.
მისი ინფორმაციით, ახალი სასტუმრო აგვისტოს ბოლოს, დუშეთის რაიონში, თბილისიდან 50 კილომეტრში ამოქმედდება. პროექტი სააგენტო „აწარმოე საქართველოშის“ გრანტის ფარგლებში ხორციელდება.
"სასტუმროში 4 ნომერი იქნება, სადაც 12 ადამიანის განთავსება იქნება შესაძლებელი. ვფიქრობთ, მეტწილად ოჯახური დასვენებისა და ღამის გათევის მიმართულება ექნება,"-აცხადებს ჭინჭარაული.
აღსანიშნავია, რომ ახალი სასტუმრო „სულფონის“ ბრენდის ქვეშ ამოქმედდება.
შეგახსენებთ, საოჯახო სასტუმრო "სულფონი" ამ დროისთვის შატილში უკვე მოქმედებს და სტუმრებს აქტიურად მასპინძლობს.
