საერთაშორისო ვიზიტორთა რაოდენობა თებერვალში 89%-ით შემცირდა

2020 წლის თებერვალში, საქართველოს სულ 40 516 საერთაშორისო ვიზიტორი ეწვია, ეს კი 2020 წლის ანალოგიურ პერიოდთან შედარებით 89.5%-ით ნაკლებია, 2020 წლის თებერვალში საქართველოს 386 859 ვიზიტორი ეწვია, - მონაცემებს ტურიზმის ეროვნული ადმინისტრაცია აქვეყნებს. 

აღსანიშნავია, რომ თებერვალში ყველაზე მეტი 11 547 ვიზიტორი ქვეყანაში სარფის საზღვრიდან შემოვიდა, შემდეგ მოდის ყაზბეგი 7 878 ვიზიტორით და წითელი ხიდი, საიდანაც თებერვალში 7 452 ვიზიტორი შემოვიდა.

რაც შეეხება ერთდღიან ვიზიტებს, თებერვალში, ერთჯერადი ვიზიტის 4 647 შემთხვევაა, რაც წინა წელთან შედარებით 96.4%-ით ნაკლებია. ამასთან, აღსანიშნავია, რომ თებერვალში ყველაზე მეტი 15 983 ვიზიტორი ქვეყანაში თურქეთიდან შემოვიდა. მეორე ადგილზეა სომხეთი, საიდანაც თებერვალში 5 785 ვიზიტორი შემოვიდა. შემდეგ მოდის აზერბაიჯანი 3 950 ვიზიტორით და რუსეთი 2 925 ვიზიტორით.